Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Субботниктер удаа-дараа

12 апреля 2024
14
Тыва Республиканың Чазааның 2024 чылдың апрель 5-те үндүрген “Тыва Республиканың девискээрин 2024 чылда чаагайжыдар болгаш санитарлыг арыглаашкынын чорудар хемчеглер дугайында” айтыышкыны ёзугаар бо чылдың апрель 6-дан май 31-ге чедир үени чаагайжыдылга болгаш Санитарлыг арыглаашкынның айы кылдыр чарлаан. Бүдүн айның дургузунда республиканың девискээри боктан аштаттынган болур ужурлуг. Кызыл, Шагаан-Арыг, Ак-Довурак, Туран хоорайларның болгаш суурларның девискээрлеринде боктан аштаар чер участоктарын организацияларга, бүдүрүлгелерге болгаш өөредилге черлеринге быжыглаары ол айтыышкында көрдүнген.


Тыва Республиканың чуртталга инспекциязы болгаш тудуг-хайгаарал албан черлери хоорай, суурларның, бажыңнар чанында девискээрниң арыг-силиин хайгаараар, хөй квартиралыг бажыңнарның башкарыкчы компаниялары, огород-сад ниитилелдери чаагайжыдылганы болгаш санитарлыг арыглаашкынны канчаар чорудуп турарын доктаамал хыналдага алыр ужурлуг.

Тываның девискээринде хар эрип, боктар көскү апарганы-биле холбаштыр хоорайларның болгаш суурларның чурттакчы чону чурттап, ажылдап турар черлериниң аайы-биле бокту аштаар ажылды апрель айның баштайгы хүннеринде элээн калбарткан.
Бок аштаарының баштайгы субботниги Барыын-Хемчик кожуунга март 29-та эрткен. Бай-Тайга кожуунда “Белек”, «Чаптанчыгбай» уруглар садтарының ажылдакчылары субботник үезинде садиктерниң девискээрлериниң иштики болгаш даштыкы талаларын аштап-арыглаан.

Кызыл кожууннуң төвү Каа-Хем суурга эрткен субботникке 23 организацияның 330 ажылдакчызы киришкеш, 49 кубометр бокту аштап чыггаш, 9 машинага бокту бок полигонунче үндүр сөөрткен.
Тываның көдээ ажыл-агый болгаш политехниктиг техникумнарының сургуулдарының субботнигин “Тываның буянныг чүректери” хөй-ниити организациязы эрттиргеш, Пушкин кудумчузундан Восток микрорайонга чедир чадаг кижилер кылаштаар орукту болгаш ооң чоок-кавызын боктан аштаан. Субботниктиң киржикчилери 80 шоодай бокту чыып аштаан.

Чеди-Хөл кожууннуң администрациязының ажылдакчылары апрель 5-те субботникче үнгеш, Хову-Аксы суурже оруктуң белдириниң чоок-кавызында девискээрни аштап-арыглаан.
Чурттакчы чон болгаш организацияларның ажылдакчылары бок аштаар субботниктерге хөйү-биле киржип турарының түңнелинде, республиканың хоорай, суурларының девискээри улам арыг-силиг апарган.

Субботниктер май ай төнгүжеге чедир уламчылаар.
Улуг назы-харлыг кижилер болгаш күш-ажылдың хоочуннары республика чергелиг субботниктерни хоорай, кожууннар, сумуларга чаңгыс хүн эрттирип, аңаа кижи күжүн болгаш машина-техниканы мөөңнеп, совет үеде субботниктерни эрттирип турган арга-дуржулгазынче шилчиирин сүмелеп турар.

Ш. МОҢГУШ белеткээн.


“Шын” №27 2024 чылдың апрель 10