Тываның В. Көк-оол аттыг Национал хөгжүм-шии театры «Сүзүүм — театр, күчүм — хүреш, чүрээм — Тыва» деп театржыткан көргүзүүн катап эгелээн.
Тыва Арат Республиканың 100 чыл оюнга тураскааткан көргүзүгже Тываның чурттакчы чонун Май 1 байырлалында 13.00 шакта Национал паркта «Хүреш» стадионунче чалап турар.
Программаның сценарийин Тываның культуразының алдарлыг ажылдакчызы Орлан Дамба-Хуурак тургускан, режиссёр-тургузукчузу — Тываның алдарлыг артизи Леонид Каң-оол.
Театржыткан көргүзүгнүң билеттерин театрның кассазындан азы сайтызындан садып ап болур, ол ышкаш «Пушкин картазын» база ажыглап болур.
Бистиң корр.