Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
06 октября, чт

Сылдыстарны белеткээр өргээлер.

9 сентября 2022
2

2020 чылда «Эзирлер уязы» деп губернатор төлевилели эгезин алгаш, бо хүннерде кончуг эки үре-түңнелдиг боттанып турар. Ук төлевилелдиң кол сорулгазы – суур бүрүзүнге, улуг эвес-даа болза, бичежек спорт залдарын тудуп, көдээ черниң оолдар, уругларын спортче хаара тудары. Салган сорулга хүнден хүнче боттанып, Тываның бичии суурларында спорт залдары ажыттынып турар. «Эзирлер уязы» өргээлер – элээди оолдар, уругларның спортче баштайгы базымнарын кылыр төвү апаар ужурлуг.

Сүт-Хөл кожууннуң чагырга даргазының экономика талазы-биле оралакчызы Шораана Шини-Байырның медеглээни-биле алырга, ук төлевилелге ниитизи-биле кожуундан 3 суур киришкен. Бир дугаар спортчу өргээни 2020 чылда Ак-Даш сумузунга туткан. Тудугну сумунуң чону боттарынын күжү-биле демнежип кылган. Республика бюджединден 1 млн 800 муң рубль деткимче-биле тудуг материалдары садып алгаш, кожууннуң бергени 300 муң рубльди одалга системазын кылырынче болгаш иштики ажылдарже үндүрген.

Дараазында 2021 чылда «Эзирлер уязы» төлевилелди Ишкин сумузунга боттандырган. Аңаа база-ла сумунуң улуг-биче чону болгаш чөвүлелдери, албан черлери демнежипкен.

2022 чылда ук төлевилел Бора-Тайга сумузунда боттанып турар. Ажыл удавас доостур. Бора-Тайга суурнуң элээдилеринге спортчу өргээни ажыдар үе чоокшулап орар.

2020 чылда «Эзирлер уязы» төлевилелди боттандырарынга Сүт-Хөл кожуунга ниитизи-биле 18 млн рубльди республика бюджединден тускайлаан турган. Үш чылдың дургузунда Сүт-Хөл кожуунга 3 спортчу өргээни тудуп кылырынга немере кылдыр кожууннуң бюджединден 1 млн 50 муң акшаны үндүрген. (2020 чылда – 300 муң; 2021 чылда – 350 муң; 2022 чылда – 400 муң).

“Эзирлер уязы” деп адаттына берген спорт залдарын чаңгыс аайжыткан төлевилел езугаар сес ханалыг өг ышкаш хевир-дүрзүлүг кылдыр тудуп турар. Ында улуг хүреш залы болгаш солуй кеттинер өрээлдер, тренер башкыларга аңгы булуң кирип турар. Хостуг хүреш, самбо, дзюдо, тыва хүреш дээш спортчу оюннарның кандыг-даа хевиринге секцияларны эрттирип болур. Көдээ черде аныяк-өскенниң чыглыр чери апаар спортчу өргээден келир үеде хөй санныг чемпионнар, спорттуң сылдыстары, чаңгыс сөс-биле чугаалаарга, төрээн чериниң адын төлептиг тудуп чоруур кижилер үнер дээрзи чугаажок.

Чурукту архивтен алган.