Ажыл берикчизи бүдүрүлгезиниң экономиктиг байдалының ужундан чарыгдалын эвээжедир сорулга-биле ажылдакчыларын төлевир чок шөлээже чорудуп турар. Дүрүм ёзугаар ол чөптүг бе?
Хакас Республика биле Тыва Республикада Күрүнениң күш-ажыл инспекциязының удуртукчузунуң оралакчызы Эдуард Доржунуң тайылбыры: «Ажыл берикчизи ажылдакчыны ажыл-биле хандырар хүлээлгелиг, ол күш-ажыл керээзинде (РФ-тиң Күш-ажыл кодекизиниң 22 дугаар чүүлү) көрдүнген. Бир эвес ажылдакчы ажыл берикчизиниң буруузу-биле ажыл-биле хандыртынмаан болза, ажылды соксаан деп санаар. РФ-тиң Күш-ажыл кодекизиниң 157 чүүлү ёзугаар ол ажылдаваан хүннер төлевирлиг болур.
Ажылчынны төлевир чок шөлээже чорударын хоойлу чөпшээреп турар, ол чүгле ажылдакчының күзели-биле база бижээн билдириишкини ёзугаар болур (РФ-тиң Күш-ажыл кодекизиниң 128 чүүлү).
Бүдүрүлгеде байдал чеже-даа берге болза, ажыл берикчизиниң бот-идепкейи-биле ажылчынны төлевир чок шөлээже чорудары күш-ажыл хоойлузун үрээни болур».
Медээни Күрүнениң күш-ажыл инспекциязындан алган.
“Шын” № 12 2026 чылдың апрель 12