Тываның Баштыңы Владислав Ховалыг Москвага ажылчын сургакчылаашкынының үезинде РФ-тиң камгалал сайыды Сергей Шойгу-биле ужурашкан.
“Чугула күрүне сорулгалары турзажок, Сергей Күжүгетович бодунуң биче төрээн чуртунуң хөгжүлдезин сайгарып чугаалажыр үени кезээде тып алыр кижи. Ынчангаш тускай шериг операциязының киржикчилеринге 30 автомашинаны чыгган чаңгыс чер чурттугларының деткимчезин, өөрүшкүзүн ооң-биле үлежиилиңер. Апрель 8-те, Улусчу фронтунуң Россияның демир-оруу-биле дугуржулгазы езугаар улус-чоннуң белээнге тускайжыттынган вагоннарны курлавырлаан.
Федералдыг Чазактың деткимчези-биле шиитпирлеп турарывыс мурнады көөр айтырыгларның дугайында аңаа чугаалап бердим. Ол дээрге кызыгаар кежилдир транспорт коридорун организастаарының, чуртталга оран-савазының комплекстиг тудуунуң талазы-биле айтырыглар-дыр. Бо хүннерде Тывада 11 школа туттунуп турар. Ол бүгүге көдээ девискээрлерниң комплекстиг хөгжүлдезиниң федералдыг программазын таварыштыр камгалаттынган бистиң чаа объективис база немешкен. Ол дээрге Улуг-Хем кожууннуң Чодураа суурга туттунар школа-дыр.
«Тубтен Шедруб Линг» хүрээниң ажыдыышкынынга белеткел ажылдарын база чугаалаштывыс. Ону Күжүгет Шойгу аттыг Культура фондузу-биле кады чорудуп турар бис. Апрель 28-те Россияда эң улуг буддисчи хүрээ бодунуң эжиктерин ажыдар. Ол чугула болуушкуннуң чоокшулап олурары-биле Сергей Күжүгетович бистиң шуптувуска байыр чедирип турар” – деп, Тываның Баштыңы Владислав Ховалыг медеглээн.
/ Бистиң корр.
"Шын" №25 2023 чылдың апрель 8
#Шынсолун #ФедералдыгЧазак #ТываныңБаштыңы #Тыва #Шойгу #ТубтенШедрубЛинг #Культура фондузу #Медээ
Төрээн чуртунуң хөгжүлдезин сайгарып чугаалашкан
8 апреля 2023
39