Тывада ээн одарлап чоруур мал-маган чогуур шиитпирни негеп турар берге айтырыг болуп артпышаан.
Малын боттары кадарбайн, одарже үндүрүптерге, оор чоруктар көвүдээр. Чанында кадарчызы чок болганда, орук айыыл-халавыныӊ чылдагааны база мал-маган боор.
Шагдаалар чаӊгыс хонук дургузунда Таӊды биле Эрзин кожууннарда кадат чок ээн одарлап чоруур малдар тып алган. Межегей суурда – 5 баш, Балгазын суурда – 4 баш, Нарын суурда 14 баш бода малдыӊ кадарчызы чок болган.
Полицияныӊ участок төлээлери бо фактыларга даянып, малдыӊ ээлерин административтиг харыысалгага онааштырары-биле материалдарны чыгган.
Тыва Республиканыӊ административтиг эрге-хоойлу хажыдыышкыннарыныӊ дугайында хоойлунуӊ 5.3-кү чүүлүнүӊ 3-кү кезээнге дүүштүр, мал-маганныӊ ээлери хүлээлгезин күүсетпээни дээш торгаалга онаажып болур.
Бир эвес малын база катап кадарбайн, одарладып үндүрер болза, торгаалдыӊ хемчээли 100 муӊ хире рубль чеде бээр.
Бодунуӊ өнчү-хөреӊгизин камгалап, мал-маганын боттары кадарып хайгаарап көрүп чорууру идегелдиг дээрзин уттуп болбас.
ТМГ-ниң медээлеринден Р.Демчик очулдурган.