Республикада мал чеминиң белеткели кидин түлүк уламчылап турар. Бо хүнде белеткээн мал чеми – 100 491 тонна.
«Бо чылын мал чеминиң белеткели эрткен чылга деңнээрге, кончуг шыырак чоруп турар. 2023 чылдың чайы көдээ ажыл-агыйга кончуг таарымчалыг болду. Ортумаа-биле 1 гектардан 13,3 центнер сигенни ап турар. Эки үре-түңнел чүгле чаңгыс гектардан хөй дүжүт алырында эвес, а көдээ ажыл- агыйны шын организастааш, шалыпчы ажылдаарындан база хамааржыр» — деп, ТР-ниң Баштыңы Владислав Ховалыг демдеглээн.
Тываның фермер ажыл- агыйлары шынарлыг болгаш элбек мал чемин белеткээр дээш, аңгы-аңгы аргаларны ажыглап, бүгү күжүн ынаар мөөңнеп турар. Таңды болгаш Каа-Хем кожууннарның чагырга черлериниң медеглээни-биле алырга, ук кожууннарда мал чеминиң белеткели доостур четкен. Олар планда көрдүнгенинден 90 хуу хөйнү белеткепкен. Таңдының тараалаң ховуларындан 19 413 тоннаны 100 ажыг техника-биле белет- кээн. Ооң 66 700,3 тонназы– хууда ажыл-агыйларга, 21 326,3 тонназы – фермерлерге, 11 431,5 тонназы көдээ ажыл-агый бүдүрүлгелерге хамааржыр.
Мал кыштадыры – шыңгыы болгаш харыысалгалыг ажыл. Мал чеминиң сүүзүннүг, шынарлыг болуру бирги черде. Шак ындыг мал чемин бо хүннерде белеткеп алыры чугула дээрзин чер ажылдыглар демдеглеп турар.
Көдээ ажыл-агый яамызының медээлеринден О. ОНДАР белеткээн.
Чурукту интернет четкизинден алган.
"Шын" №65, 2023 чылдың сентябрь 2.
