Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Тай-бокс - Тыва черде

6 июля 2022
5

Июль 1–3 хүннеринде “Сүбедей” спорт өргээзинге Россияның алдарлыг геологу А.А. Неволинге тураскааткан Сибирь база Төп Азияның кидис өглерге чурттап чораан чоннарының аразынга тай-бокс маргылдаазынга Кемерово, Новосибирск, Томск областарындан, Бурят, Тыва республикалардан, 12–13, 14–15 харлыг оолдар, 16–17 харлыг оолдар, уруглар база улуг эр-херээжен – шупту 76 спортчу киришкен. Маргылдааның кол деткикчилери – Тываның тай-бокс федерациязы, «Ойна» алдын-тывыш уургайы.

Тывада тай-бокс федерациязының кол тренери Аян Ховалыгның чугаалааны-биле, маргылдаа эрттирер бодалды бокс, кик-бокс талазы-биле тренер башкы Борис Донгак сүмелээш, Россияның тай-бокс федерациязындан чөпшээрелди алган болуп турар.

Бо чылын «Алдын» деп спорт клувун ажытканы, Сибирьниң бирги чери база чемпионадынга бистиң спортчуларывыстан 3 кижиниң 1-ги база 2 кижиниң 2-ги черлерни алгаш, Россияның чемпионадынга киришкени – Тывага ук спорттуң хөгжүп турарының көскү илерээшкиннери. Түңнелинде, Мөңгүн-Тайгадан Алдын-Сай Иргит бирги черни алгаш, август айда Малайзияга делегейниң бирги чери дээш маргылдаага киржир эргени чаалап алган.

Россияга тай-бокс 1997 чылда сайзыралды алган. Сибирьде амгы үеде Кемерово хоорайда тай-бокстуң төвү ажылдап турар. Тывага бо маргылдааны эрттирери-биле Кемерово хоорайдан Россия чергелиг кол шииткекчи Владислав Лыршиков, шииткекчи Сергей Сорокин (Новосибирск облазы) олар келгеш, бистиң тренерлеривиске, шииткекчилеривиске өөредиглиг семинарны эрттиргеннер.

Кик-бокска делегейниң 2 дакпыр чемпиону Мерген Монгуштуң чугаалааны-биле, тай-бокс тыва спортчуларга тааржыр, аңаа тевер, шанчар, дискектээр, хүреш аргаларын ажыглап болур. Спортчуларның шуптузу бажындан буттарынга чедир тускай камгалал хеп-биле бүрүн чүмнеттингенин ол демдеглээн. Мерген Монгуш боду 14 дугаар школага тускай кик-бокс, тай-бокс залын ажыткан кижи.

Ол маргылдааның ажыдыышкынынга лама башкыларны чалап, чедиишкиннер, сайзырал дугайында тускай номну номчуткан. Бир, ийи дугаар хүннерниң түңнелдеринде дараазында спорт школаларының, клубтарның, кожууннарның спортчулары шылгарап үнгеннер: «Олимп» ОКСШ, «Алдын» СК, «Авырга» спорт школазы, «Алмаз» спортчу клуб, «ЦСКА – Тыва» спорт школазы, Мөңгүн-Тайга кожуун. 3 дугаар хүнде тиилекчилерни илередири-биле 19 аңгы килге түңнел маргылдаага дараазында спортчулар 1-ги черни алганнар:

14–15 харлыг оолдар аразынга 42 килге Даниил Чебунин (Бурят Республика), 48 килге Сырат Багыр («Алдын» СК), 51 килге Буян Монгуш (Чадаана), 54 килге Хемчик Чарындак («Авырга» СШ), 57 килге Кежик Дупчур (Кызыл), 60 килге Арсен Хомушку («Алдын» СК), 67 килге Артына Ондар (Чадаана).

16–17 харлыг оолдар аразынга 51 килге Роман Нгуен («Олимп» ОКСШ), 54 килге Лопсан Тартык-оол (Кызыл), 63,5 килге Сылдыс-Белек Хомушку («Олимп» ОКСШ), 71 килге Ай-Херел Монгуш («Олимп» ОКСШ).

Улуг эр улус аразынга 54 килге Буян Монгуш («Олимп» ОКСШ), 57 килге Дамдын Ооржак («Олимп» ОКСШ), 63,5 килге Мирослав Овудан («Алдын» СК).

16–17 харлыг уруглар аразынга 54 килге Александра Хертек («Олимп» ОКСШ).

Улуг херээжен улус аразынга 51 килге Россияның чемпиону Алдын-Сай Иргит (Мөңгүн-Тайга), 63,5 килге Бүзүрел Ховалыг («Алдын» СК).

Чараш оюнну 14–15 харлыг оолдар аразынга Арсен Ховалыг («Алдын» СК), тиилелгеже чүткүлдүүн херээжен спортчулар аразынга Белекмаа Кара-Доңгак көргүскеннер.

Тай-бокстуң бир онза чүүлү – оюн чоруп турда, тускай оожум хөгжүмнү салып каап турар, сактырга, тыва хүреш маргылдаазы ышкаш, кажан мөгелер девий бээрге, “Дөгээ баарының” аялгазын салыры дег болду.

Шаңналдыг черже кирген спортчуларга акша шаңналдарын, медальдарны, дипломнарны «Ойна» артелиниң төлээзи Олег Дудко, Тывада тай-бокс федерациязының даргазы Ренат Ооржак тывыскан. Удуртукчулар маргылдааны келир чылын солун байдалга Казахстанның, Киргизияның спортчуларның киржилгези-биле эрттирерин чарлааннар. Тывада бир дугаар эртип турар шак бо онзагай маргылдааның организакчыларының демниг болганы өөрүнчүг болду.

Алексей Чамбал-оол.

Чурукту интернет четкизинден алган.