«Тыва оруктарга айыыл чок болуру дээш» деп профилактиктиг тайылбыр кылдыр видеоролик болгаш социал реклама (баннер) чогаадыр мөөрей чарлаттынган.
Ооӊ организаторлары ̶ Тыва Республикада ИХЯ-зыныӊ Күравтоинспекция эргелели, «Сылдыс», «Центр Авто Драйв» деп автошколалар, «Авторадио Кызыл».
Эӊ эки үш видеороликти, 1 реклама баннерин тиилекчи кылдыр санаар. Автошколага халас өөренир сертификат тыпсыр.
Орук айыыл чогунуӊ дүрүмнериниӊ дугайында 2 минута иштинде көргүзер социал видеоролик биле реклама чогаадып кылыр мөөрейге күзелдиг кижи бүрүзү киржип болур.
Хөй-ниитиниӊ херээн деткип, «Сылдыс» биле «Центр Авто Драйв» автошколаларныӊ удуртукчулары Альберт Кандан биле Амина Моӊгуш дөрт тиилекчиге белек кылдыр автошколага халас өөренир сертфикат тыпсыр.
Республиканыӊ оруктарынга озал-ондактыӊ чылдагааны болур эӊ-не айыылдыг байдалдарны көргүскенинче кичээнгей салыр:
Эзирик чорааш, автомашина башкарганы;
Уткуштур келген автомашина оруунче халдыры;
Дүрген халдып болбас черлерге дүрүм сагывааны;
Кур шарыыр, уруглар олурар черни быжыглаар дүрүмнү херекке албааны;
Чырык херелдендирер чүүлдерни ажыглаарынын чугулазы.
Видоролик, реклама кылып тургаш, Интернет-сайтылардан белен материалдар ажыглап болбас. Адылдарны шилип тургаш, чүгле боттарыныӊ тывынгыр, чогаадыкчы чоруу-биле кылганын, чечен-мерген сөс-домаан, рольдарны эки күүсеткенин, операторнуӊ уран-мергежилин чедимчелиг ажыглаанын көөр.
Мөөрейге киржирде, билдириишкинни, видеороликти, рекламаны чорудар электроннуг адрези: prgibdd17@mail.ru.
Материалдарны декабрь 26-га чедир хүлээр. Мөөрейни декабрь 29-та түӊнээр.
Харылзажыр телефону 8 (39422) 9-39-37, адрези: Кызыл хоорай, Ровенская кудумчузу, бажыӊ 36.
Эӊ эки социал видеороликтерни интернетке болгаш хоорайныӊ кудумчуларында улуг экраннарга, хөй чон чыглыр черлерде реклама баннерлеринге азып көргүзер.
Тыва Республикада ИХЯ-зыныӊ Күравтоинспекция эргелелини медээзи-биле Р.Демчик белеткээн.