Эрткен хүннерде Сочи хоорайга AMC Fight Nights 118-ке турнир болуп эрткен. Аңаа Тывадан Тумер Ондар киришкеш, ийи удаа чемпион болган.
Тумерниң афган спортчу Исмаил Хайдари-биле ужуражылгазы бирги раунда доозулган. Кажан Түмер удурланыкчызының будунга аарышкылыг арга ажыглаптарга, демгизи холу-биле будунга часкапкан. Ону дүжүп берип турар деп билген шииткекчиниң(рефери) шиитпиринге ол чөпшээрешпейн барган. Маргыжыышкынныг байдалды эдери-биле, катап база ийи дайынчы ужуражылганы уламчылаан. Түңнелинде, Түмерниң тиилелгезин шупту шииткекчилер бир үн-биле бадыткаан. Ынчалдыр тыва спортчу ийи удаа удурланыкчызын тиилээн.
Интернеттен медээ-биле
