Бай-Тайга кожууннуң Шуй сумузунда Ак-Оюк деп черде Тываның билдингир альпинизи Сарыг-оол Мөңгениң адынга тураскаалды тургускан. Май 15-те тураскаалдың байырлыг ажыдыышкыны болган. Аңаа Шуй сумузунуң чагырга даргазының хүлээлгезин күүседип турар О. Хертек болгаш альпинистиң кады төрээннери, чоок улузу келген.
Сарыг-оол Мөңге 1975 чылдан 2000 чылга чедир элээдилер аразынга туризмни болгаш альпинизмни хөгжүдүп, спорттуң бо хевирлериниң таваан Тывага салган спортчу. 2005 чылда Сарыг-оол Мөңге «Российжи туризмниң хөгжүлдезинге чедиишкиннери дээш» деп медаль-биле шаңнаткан.
Спортчунуң үнген тайгалары:
1983 чылда Тянь Шань – 7439 м; 1984 чылда – Эльбрус – 5642 м; 1988 чылда Памир – 7649 м; 3976 метр бедик Мөңгүн-Тайганың кырынче хөй катап; Мөңгүлек – 3485 м; Муңгаш-Кул – 3826 м; Кызыл-Тайганың – 3121 м.
А. Ондар белеткээн.
Чуруктарны интернет четкизинден алган.
