Тывада тыва чогаалчыларның аудио-номнарын чыыр ажыл уламчылавышаан. «Культура» национал төлевилелдиң “Чогаадыкчы кижилер” федералдыг төлевилелиниң “Библиотека херээ” угланыышкынга Россияның культура фондузунуң коммерцияга хамаарышпас организациялар аразынга мөөрейинге ойнап алган грантызы-биле Тываның библиотека ассоциациязы биле К.И. Чуковский аттыг Тываның республиканың уруглар библиотеказы сөөлгү каш чылда ол төлевилелди эгелээш, боттандырып турар.
Ойнап алган грантызының хемчээли 700 000 рубль болган деп, ТР-ниң культура яамызы дыңнаткан. Республика бюджединден 259 200 рубльди немей кады акшаландырар. Төлевилел хемчеглерин боттандырарынга ниитизи-биле 959 200 рубльди угландырар. Ук ажылдың организакчылары тыва дылга ам-даа 50 номну бо чылын бижидерин дыңнаткан. Тыва классиктиг болгаш уран чечен чогаал номнары ынаар кирер.
2021 чылда «Tuva_read» төлевилелдиң авторлары тыва чогаалчыларның чогаалдарынга үндезилээн электроннуг библиотека тургузар грантыны бир-ле дугаар ойнап алганын сагындыраал. Россия Федерациязының Президентизиниң грантыларын тыпсыр мөөрейге ол эгелээшкин деткимчени алган. Ынчан регионнуң киирген акшаландырыышкыны-биле кады шупту 2,2 млн ажыг рубль болган.
Бөгүн библиотеканың коллекциязында 100 аудиономнар база чурагайжыткан 1000 ажыг ном бар. Тыва авторларның чогаалдарын күзелдиг кижилер хостуг болгаш халас дыңнап болур: К.И. Чуковский аттыг Тываның республиканың уруглар библиотеказының www.chukovka17.ru албан езунуң сайтызында «Tuva_read» тускай кезекте номнарын салган.
#Тывачазак #Националбиблиотека #Аудиобиблиотека #Шынсолун #Тывадыл
Тыва авторларның аудиобиблиотеказынга 50 ном немежир
17 апреля 2023
63