Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Тыва чоннуң чаңчыл болган оюну.

27 июля 2022
8

Билдингир күрүне ажылдакчызы, Тыва Республиканың баштайгы Президентизи Шериг-оол Дизижикович Ооржактың 80 харлаан оюнга тураскаадып, эр болгаш херээжен хоочуннар аразынга шыдыраа маргылдаазы гроссмейстер М.С. Хомушку аттыг шыдыраа клувунга июль 23-те болуп эрткен. Ниитизи-биле шыдыраа маргылдаазынга 58 хоочун киришкен. Оларның 3-ү херээжен шыдыраачылар.

Маргылдааның ажыдыышкынынга Шериг-оол Дизижикович Ооржак боду келген. Ол 1990 – 2000 чылдарның берге экономиктиг үелериниң дугайында болгаш ол үеде шыдырааның кайы хире сайзырап турганын чугаалаан. Шериг- оол Дизижиковичиниң удуртукчу болуп ажылдап чораан үезинде Тывага шыдыраа канчаар-даа аажок сайзыраан турган. Шыдыраага спорт мастеринге кандидаттар, чемпионнар ол үеде тывылган. Ооң күжениишкининиң ачызында Долаан Салчак шыдыраага бир дугаар дээди эртемниг специалист болган.

Шериг-оол Ооржак студент үелеринде шыдыраага спорт мастериниң кандидады деңнелге ойнап чораан.

Улуг бүзүрел берип турган чалыы шыдыраачы Наталья Колга Ш. Ооржактың бүрүн компьютер комплектизин белекке берип турганы, ол үеде канчаар-даа аажок улуг деткимче болган. Шак-ла ындыг белектерни Тываның Президентизиниң Кубогу дээш, эр болгаш херээжен улус аразынга маргылдааның тиилекчилери база ап турган.

Тывага Моолдан шыдыраачыларның киржилгези-биле делегей чергелиг турнирлер база эртип турган. Тыва шыдыраачылар база чаңгыс эвес удаа Моолче янзы-бүрү шыдыраа маргылдааларынга киришкилээн.

– Шыдыраа дээрге республиканың чурттакчы чонунуң шаандан тура чаңчыл болган ынак оюну, чоннуң угаан-медерелин сайзырадырының үндезини – деп, Тываның бирги Президентизи чугаалаан.

Хоочуннарга Тыва Республиканың бирги Президентизи-биле ужуражып, чугаалажыры өөрүнчүг болган. Оларның аразында баштайгы Президент-биле чоок таныжар, кады ажылдап чорааннар-даа бар. Оларның бирээзи херээжен шыдыраачы Мария Наксыл социал четкиде херээжен шыдыраачылар бөлүүнден эштери-биле кады маргылдаага киришкен. Ол амгы үеде Шериг-оол Ооржактың улуг уруу-биле кады ажылдап чоруур. “Хоочуннар аразынга маргылдааны эрттирип турары кончуг эки-дир. Назы-хар улгадырга, уттуучал апаары билдингир. Ынчалза-даа аңаа алыспазы-биле херээжен шыдыраачылар интернет четкизинде бөлүк ажыдып алган ойнап чоруур бис” – деп, Мария Наксыл чугаалаан.

55 харга чедир эр болгаш херээжен улус аразынга маргылдааның ажыдыышкынынга Тыва Республиканың баштайгы Президентизиниң оглу Андриан Шериг-оолович Ооржак база киржип, Тываның шыырак шыдыраачыларынга байырын чедирип, өзүп олурар салгалдарга бедик-бедик чедиишкиннерни күзээн.

Маргылдааның түңнелинде хоочуннар аразынга эр улустан Сергей Куулар тиилекчи болган, а херээжен улус аразындан Мария Наксыл тергиидеп үнген. Ийиги черлерге Орлан Сарыглар база Дусия Ондар, үшкү черни Артур Монгуш база Анастасия Күжүгет ээлээннер.

14 хардан 55 хар чедир эр улус аразынга Тыва Республиканың төөгүзүнде бир дугаар ФИДЕ мастери Тамерлан Чындыгыр тиилекчи болган. А херээжен улус аразынга Арсения Ойдуп шылгарап үнген. Ийиги шаңналга Артыш Чүлдүм база Шуру Ондар төлептиг болганнар. Эдик Ховалыг, Долзат Наксыл олар үшкү черни чаалап алганнар.

Ол ышкаш 14 харга чедир уруглар аразынга шыдыраа маргылдаазын июль 27-де эрттирерин планнап турар.

/ Чыжыргана СААЯ.

/ Чуруктарны Шыдыраа федерациязының архивинден алган.