Россияда MITT дээрге «Туризм болгаш дыштанылга» категорияның эң улуг туризм делгелгези-дир. Аңаа бүгү делегейниң аңгы-аңгы чурттары, регионнары болгаш турисчи фирмалары боттарының продуктуларын болгаш чедирер хандырылгаларын Россияның рыногунга бараалгадып көргүзер.
Тыва Республиканы регионнуң Культура болгаш туризм яамызының ажылдакчылары, «ТоджаТур», «Аржаан Трэвэл», «Эне-Сай Трэвел», «Танды-Уула», «Туван трип», «Спутник групп» турисчи операторлар, Турзимниң информация төвү төлээлээн.
Маңаа киржип келген улус делегейниң туризм ассоциацияларының төлээлери-биле ужуражыр, чаа хереглекчилерни болгаш партнерларны тып алыр, туризм үлетпүрүнүң чаартылгаларының дугайында билип алыр аргалыг болур.
#Культураболгаштуризмяамызы #Москва #Туризмделгелгези #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews