ТР-ниң Чазак Даргазы Владислав Ховалыгның даалгазы-биле республикада мобилизацияда хамаатыларны деткиир ажыл уламчылап турар. Эрткен хонуктарда “Иезинге мөгейиг” шимчээшкини мобилизацияже чорткан оолдарга дуза кадары-биле 9 муң рубльди шилчиткен. Ол акша-түңнү мобилизацияда оолдарның идик-хевин четчелээринге дуза кадарынга хереглээри-биле албан-биле тургускан “Содействие” Фондунуң агар санынче шилчиткен.
Сагындырып каар чүүл, Тывадан чоруткан мобилизацияда дайынчыларның өг-бүлелеринге болгаш боттарынга дуза кадары-биле регионнуң каттышкан штабы дыштаныр хүн чок ажылдап турар.
Адрези: Кочетов кудумчузунда 155 дугаарлыг бажың.
Харылзажыр телефон: 2-17-44.
