Бо чылдың январь 2-ден 8 хүннеринде республикада ОРВИ болгаш грипптен аараан 609 таварылга бүрүткеттинген, ол-ла үениң чүгле үш хонуунда 1468 халдавыр чыпшынган барымдаа демдеглеттинген.
Росхереглелхайгааралының регион эргелели халдавырлыг халдавырлардан аарыыр чорук 61,1 хуу эвээжээнин айыткан.
2022 чылдың декабрь эгезинден республика девискээринде грипптеп аараанын лаборатория бадыткаан 427 таварылганы бүрүткээн, ооң 96-зы хаван гриви болганы илереттинген.
Эмнелгеде чыттырган 193 кижиниң 128-зи 14 харга чедир бичии уруглар бооп турары эпидемиологтарны дүвүреткен. Бо барымдаа назы четпээннерниң ада-иелери база хоойлу езугаар төлээлери бажыңында халдавырлыг халдавырлардан камгаланыр хемчеглерже кичээнгей салбайн турарын көргүскен. Школа назыны четпээн уруглар албан черлери база ниити өөредилге органзациялары аарыг уруглар эш-өөрүнге халдавырны таратпас кылдыр, уруглар база өөреникчилер ортузнда хыналданы хүннүң-не күштелдирер.
Чурттакчы чоннуң 60 хуузун гриппке удур тарыыр планны 63,3 хуу кылдыр ажыр күүсеткенин Росхереглелхайгааралының республика эргелели дыңнаткан. Республиканың чурттакчы чонундан 199227 кижини гриппке удур тараан.
Республиканың эмнелге организацияларында база аптека четкилеринде ОРВИ болгаш грипптиң вирузунга удур камгаланыр чүүлдер болгаш ону эмнээр эм-таңның, дезинфекция бүдүмелдериниң четчир курлавыры бар.
#Тывачазак
Тывада ОРВИ болгаш грипптен аарыыры эвээжээн.
17 января 2023
32