Чоннуң чаңгыс деминиң хүнүнүң бүдүүзүнде Россияның Өлүм чок полугунуң «Бүгү чурт шупту — кады тиилээр бис!» деп акциязы эгелээн.
Россияның Өлүм чок полугу «Бүгү чурт шупту — кады тиилээр бис!» акция-биле Чоннуң чаңгыс деминиң хүнүн байырлап эгелээр. Октябрь 27-ден ноябрь 8-ке чедир Ада-чурттуң Улуг дайынынга Тиилелгени чедип алырынга өске регионнар чурттакчыларының киирген үлүг-хуузу дугайында киноларны көргүзер. Архангельск, Запорожье, Астрахань областарның чурттакчыларынга киноларны бир дугаарында көргүскен соонда, Россияның 40 ажыг регионнары ону көөр.
Чоннуң чаңгыс дем хүнүн байырлаан хүннерде российжилер Улуг Тиилелгени чедип алырынга өгбелери шуптузу канчаар демнежип чораанын сактып, бүгү чоннуң маадырлыг чоруунда өске регионнарның ролюн билип алыры онза. Школачылар болгаш дээди өөредилге черлериниң студентилери, уруглар төптериниң кижизиттирикчилери, кадеттер болгаш чалыы армейжилер, музейлер аалчылары, кады ажылдажылгалыг организациялар төлээлери киноларны көөр аргалыг. Хемчеглерниң кол кезээ – эксперттер, ооң иштинде төөгүчүлер, шериг албанныглар болгаш хөй-ниити ажылдакчылары-биле ужуражылгаларны эрттирер.
Чижээ, Ада-чурттуң Улуг дайынының эң-не маадырлыг төөгүзүнүң бир арны — Марина Раскованың командылааны маадырлыг полугунга тураскааткан «Дүнеки ангелдер» деп барымдаалыг кино — Мелитопольда «Россия — мээң төөгүм» деп төөгүлүг парктың улуг экранынга көргүзер. Кинону режиссер, продюсер болгаш «Собор шөлү» ассоциацияның директору Николай Горнаков биле режиссер-сценарист Александр Эжбер тырттырганнар.
Архангельск хоорайда регионалдыг Шимчээшкин штавының кежигүннери тускай уругларга Ада-чурттуң Улуг дайынының эң-не билдингир херээжен ужудукчузу Лидия Литвяк дугайында төөгээн. «Мамонтёнок» деп өг-бүлеге деткимче төвүнүң онзагай уруглары «Собор шөлү» ассоциацияның продюсери Николай Горнаковтуң «Небесная Лилия» деп кинодан 14 харлыында бир дугаар ужуткан ужудукчунуң төөгүзүн билип алганнар.
Астраханьдан дайынчы эжишкилер бо эгелээшкинни деткип, «Адмирал Кузнецов: Тиилелгениң флотчузу» деп кинону Цветновская школаның өөреникчилеринге көргүскеннер. Өөреникчилер Совет Эвилелиниң флодунуң адмиралы Николай Герасимович Кузнецовтуң берге амыдыралының дугайында билип алганнар. Кинону «Котлас» немелде өөредилге төвү берген.
Байырлал хүннеринде база уламчылаар «Бүгү чурт шупту — кады тиилээр бис!» акцияга Тыва база каттышкан, ооң дугайында медээлерни Россияның Өлүм чок полугунуң polkrf.ru! сайтызындан билип ап болур. https://disk.yandex.ru/d/52Uo6L5f9DR-0w айтыгдан чуруктарны көрүп болур.
Россияның Өлүм чок полугунуң парлалга албанының специализи Самедова Вера Ахмедовна-биле харылзажыр телефон дугаары: +7 916 361-57-00.