Тываның гидрометеорология база долгандыр хүрээлелге мониторинг төвү январь 15-те соок дыңзыырын дыңнаткан. Агаарның соогу 31-36 градус, чамдык черлерге 41 градус чедир бадар.
Неделяның төнчүзүнге чедир соорундан, черде бажыңнарга өрт айыылы үнүп болурун Россияның Онза байдалдар яамызының Тыва Республикада кол эргелели кичээндирип тур.
Соок хүннерде суугуну үзүктел чок одаанындан, ооң чамдык кезектери хөлүн эртир изий бээр. Ыяш ханалар азы эт-сеп ол чалынныг изигден өрттенип болур айыыл бар. Өрт инспекторлары ындыг айыыл-халапты болдурбазы-биле, суугуну үзүк-соксаал чок одавайн, хүнде 2-3 катап, 1-1,5 шак болгаш одаарын сүмелеп тур.
Отту отчударда дүрген кывар, частыычал суук чүүлдер ажыглаары хоруглуг. Суугу чанынга кывыычал материалдарны салбас, ооң кырынга, азы чоогунга идик-хеп кургадып болбас.
Республиканың Хамааты камгалал база онза байдалдар албаны өртке удур айыыл чок чоруктуң дүрүмнерин сагыырын кыйгырып тур.
Бир эвес өрт болу берзе, «101» азы «112» дугаарларынче долгаар.
#ТываЧазак#Тыва #Тува #пожары #морозывТуве #МЧС