Бөгүн, апрель 22-де, Россия Федерациязының Тудуг яамызының организастааны долгандыр турар бойдузувусту камгалаалы деп кыйгырыг-биле Бүгү-российжи субботник болуп эртип турар. Тываның Баштыңы арыг-силигни болгаш чурумну тудар сорулганы Чуртталга-коммунал ажыл-агый яамызының болгаш тус черниң эрге-чагырга органнарының мурнунга салган.
Чаңчыл ёзугаар ында чуртталга-коммунал ажыл-агый албанының, бүдүрүлге болгаш албан черлериниң ажылдакчылары, хоорайның идепкейжи чурттакчылары, школачылар, ортумак болгаш дээди өөредилге черлериниң студентилери киржип турар.
Оларның аразында Чуртталга-коммунал ажыл-агый яамызының ажылдакчылары чурттап орурар хоорайынга арыг-силигни тургузар дээш, боттарынга хувааттынган девискээрни аштап-арыглааннар.
“Кижи бүрүзү бодунуң чурттап, ажылдап, дыштанып турар девискээри дээш, харыысалгалыг болур ужурлуг. Бодун долгандыр девискээрге идепкейжи болгаш сагыш-човангыр хамаарылгазы дээрге-ле хамааты кижи бүрүзүнүң бистиң республикавыстың ниити сайзыралынга хамаарыштыр харыысалгазын көргүзүп турары болур” – деп, Тываның чуртталга-коммунал ажыл-агый сайыдының оралакчызы Шеңне Чалзып чугаалаан.
Март 27-ден апрель 28-ке чедир албан черлериниң киржилгези-биле неделя санында субботниктер үргүлчүлээр.
