«Бүгү чүүлдү тиилелгеже!» акцияның кыйгырыы-биле республиканың чурттакчы чону Тываның Чазааның деткимчези-биле тускай шериг операциязында киржип турар дайынчыларывыска 35 тонна ажыг гуманитарлыг дузаны чыып белеткээш, дайынчы хөделиишкиннер девискээринге чедирген.
Акция үезинде 7 тонна эътти республиканың кожууннары дем-биле чыыпканы – ооң мурнунда болуп көрбээн болуушкун болган. Гуманитарлыг дуза чыыр ажылдар ийи неделя ажыг үе дургузунда үргүлчүлээн. Республиканың шупту кожууннарының чагырга черлери болгаш хууда ажыл-агыйлыг фермерлер акцияга идепкейлии-биле киришкен.
«УАЗ» биле «Нива» маркалыг ийи автомобиль болгаш 17 мотоциклди чүдүрген. Дөрт чүък чүдүрер улуг автомобильге чүдүрген чүъктү Курск облазынга болгаш ДУР-га дүжүрген.
Эът болгаш техникадан аңгыда, 30 генератор, 100 ажыг четки, 4 квадрокоптер, чунар чүүлдер, аъш-чем аймаа, техниктиг херекселдер болгаш чылыг идик-хеп чедер черинде чеде берген.
Бистиң корр.
“Шын” №8 2025 чылдың март 6