Тывадан долу эвес мобилизация-биле шеригже келдирген курлавыр шериглерниң чамдык кезииниң Новосибирск хоорайже аъттаныпканын Тываның Баштыңы Владислав Ховалыг социал четкилерде бодунуң арыннарынга дыңнаткан. Оларга тускай шериг өөредилгезин чорудары-биле шериг салбырларынга чарар.
''Новосибирскиже аъттаныпкан өске кезиин мээң даасканым езугаар республиканың Чазааның шериг албанынга арга-дуржулгалыг төлээлери үдеп чоруур.
Мобилизацияга келдиргеннерниң көвей кезии, мээң мурнунда чугааланым дег, 55-ки тускай мотоадыгжы (даг) бригадазында арткае, олар аңаа белеткелин уламчылаар.
Бис немелде техниктиг херекселдерни (чүгле рация саны безин 200 ажыг), чылыг хептерни, гигиенага херек чүүлдерни, аптечкаларны болгаш оон-даа хөй чүүлдерни чүгле ам бо мобилизастаттынган оолдарга эвес, а өске-даа тускай операцияда киржип турар шериг оолдарывыска, эки турачыларга дээш садып ап, чорудуп тур бис. Бо ажыл дүн-хүн чокка соксавайн чоруттунуп турар.
Оолдарывыс оруу ак болзун! Онча-менди чанып келзин!'' - деп, В. Ховалыг медеглээн.
