Бөгүн 11.00 шакта, Тываның Чазааның Бажыңынга, республиканың Дээди Хуралының депутаттары 2022 чылда регион чазааның кылган ажылдарының дугайында дыңнап, 2023 чылда күүсекчи эрге-чагырганың дээди органының мурнады боттандырар ажылдары-биле таныжар. Тываның Баштыңы Владислав Ховалыг парламентарийлерге каксы илеткеп, айтырыгларга харыыларны бээр.
Тываның Чазааның кежигүннери чыл дургузунда кылган боттарының ажылдарының түңнелдерин республиканың чурттакчы чонунга таныштырган. Ажылчын бөлүктер бадылаттынган график езугаар бо ийи неделяда республиканың кожуун, суурларын кезээн.
Ужуражылгалар үезинде Тываның Чазаа-биле Дээди Хуралдың депутаттары көдүрүлген айтырыгларны сайгарарынга киришкен.
Тываның чурттакчы чонундан бо отчеттуг чылда боттандырар чаа чагыглар кирген. Республиканың чурттакчы чону айтырыгларны тургузарындан аңгыда, 717 тодаргай чагыгны киирген. Владислав Ховалыг чаңгыс-даа санал-онал кичээнгей чок артпазын, үнген чылда удуртулга шиитпирлеринге база тодаргай ажыл-херектерге ол үндезин болурун демдеглээн.
Контактыда Владислав Ховалыгның хууда арынындан, бөгүн 11.00 шакта болур дорт дамчыдылгадан, кижи бүрүзү Тываның Чазааның отчедун сонуургап дыңнап болур.
Тываның Чазааның сайтызында отчеттуң долу сөзүглелин салган.
