Тываның Күш-ажыл яамызы 2025 чылда «Ажыл-агыйга хаара тударын деткиир идепкейлиг хемчеглер» федералдыг төлевилелге республиканың киржилгезиниң түңнелдерин үндүрген. Тывага 32 кижиге өөренир олуттарны доктааткан болзажок, херек кырында республиканың 63 чурттакчызын өөредип чоруткан. Өөредилгени дооскан 63 кижиниң 54-ү ажылче кирген, а планга 28 кижи турган.
50 хардан өрү назылыг, пенсияже назы четкен хамаатылар, уруг азыраар дыштанылгада ада-иелер, 7 харга чедир ажы-төлдүг ажыл чок херээженнер, инвалидтер, чонну ажылче хаара тудар албан черинге бүрүткеткен ажыл чок кижилер, ТШО-га киришкен дайын хоочуннары төлевилелге киржир эргелиг.
Дөрт федералдыг операторлар: РФ-тиң Президентизиниң чанында улус ажыл-агый болгаш күрүне албанының академиязы, Томскунуң күрүнениң национал эртем-шинчилел университеди, Профессионал өөредилгени хөгжүдер институт, Бүгү-россияның эртем-шинчилел институду өөредилгени организастаан.
2026 чылда өөредилгеже билдириишкиннерни хүлээп эгелээн. Амгы үеде «Россияда ажыл» деп федералдыг порталда операторларның ырактан өөредир 10 программазын тыва чурттакчылар сонуургап болур. Удавас немелде саналдар кирерин манап турар. Программаларның даңзызын бо шөлүгден - https://trudvsem.ru/educational-programs?_regionIds=026bc56f-3731-48e9-8245-655331f596c0&pag... көрүп болур.
«Кадрлар» национал төлевилел 2025 чылдың январь 1-де эгелээш, 2030 чылга чедир ажылдаар ужурлуг. Хамаатыларның чижилгелиг шыдалын бедидер болгаш ажыл чок чорукту эвээжедир дээш, профессионал өөредилгени болгаш катап белеткелди организастаарынче угланган «Ажылга хаара тударын деткиир идепкейлиг хемчеглер» федералдыг төлевилел – ооң кол кезээ.
ТР-ниң Чазааның парлалга албаны.