Донецк Улус Республиканыӊ кадык камгалал сайыды Дмитрий Гарцевтиӊ өөрүп четтиргенин илереткен бижиин Тываныӊ Баштыӊы Владислав Ховалыг бодунуӊ социал четкиде блогунга чырыдып бижээн:
«Декабрь айдан тура дайынчы хөделиишкиннер үезинде балыгланган улустуӊ амы-тынын камгалаарынга дузалажып келген Тыва Республиканыӊ 8 специализинге Республиканыӊ Чазааныӊ болгаш амы-хууда бодумнуӊ өмүнээмден шаӊналдарны тывыстым.
Эмчилер бригадазыныӊ составында бедик квалификациялыг ортопед-травматолог, хирург, анестезиолог-реаниматолог эмчилер, ол ышкаш кезер эмчи сестралары бар.
Горловка биле Светлодарскиге, эӊ хөй адып-болаашкынга таваржып турар черлерге, кемдээн улуска Тываныӊ волонтерлары эрес-дидими-биле дузалажып турар.
Республиканыӊ чурттакчы чонунга дузалажыр дээш, эӊ эки специалистерни чорудар угланыышкын-биле кады ажылдажылганы чорудуп турары дээш @r_tuva өөрүп четтиргенимни илередип тур мен» Донецк Улус Республиканыӊ Кадык камгалал сайыды Дмитрий Гарцев
«Тываныӊ эмчилеринге четтирдим»
19 декабря 2022
33