Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Тываныӊ Энергетика яамызы: «Чонга хөмүр-дашты биеэги дег садып турар».

13 сентября 2022
6

2022 чылдыӊ сентябь 12-ден тура чонга хөмүр-даш садып-саарбазыныӊ дугайында «Тываныӊ даг-руда компаниязы» КХН-ниң дыӊнадыышкыны республиканыӊ Чазаанга сентябрь 9-та келген.

Тывада хөмүр-даш садып-сааарар рынокта кол черни ээлеп турар компания хамааты болгаш монополияга удур хоойлужудулганы хажыдып турар дээрзи үстүнде айыттынган дыӊнадыышкынындан көстүп келген.

Дыӊнадыышкынны алган соонда, Тываныӊ Баштыӊы Владислав Ховалыг ук компанияныӊ удуртулгазы-биле дораан харылзажып чугаалашкан. Чонга хөмүр-дашты шаптараазын чокка ол-ла үезинде бээриниӊ талазы-биле таарымчалыг тодаргай шиитпир хүлээр айтырыгны сайгарып көрбээнде, кызыгаарлаар хемчеглер ажыглавазыныӊ дугайында аас-биле дугуржуп чугаалашкан.

Тываныӊ Баштыӊы республика прокурору Сергей Дябкинге, ТР-де Монополияга удур федералдыг албан эргелелиниӊ удуртукчузу Феликс Хаджиевке болур-чогуур дилеглерни чоруткан. Тываныӊ даг-руда компаниязыныӊ шак ындыг ажыл-чорудулгазыныӊ хоойлу-дүрүмге дүгжүп турарын хынап көргеш, бир эвес хоойлужудулганы хажыдып турар болза, аӊаа даянып, чогуур хемчег алырыныӊ дугайында бижээн.

«Тыва Республиканыӊ Баштыӊыныӊ билдириишкини ёзугаар хыналданы прокуратура-биле катай чорудуп эгелээн. Бөгүн чогуур документилерни чорудуп бээрин негээн. Анализти эрттирер бис, ооӊ соонда «Тываныӊ даг-руда компаниязы» КХН-ниң ажыл-чорудулгазыныӊ чөптүг, чөптүг эвезин сайгарып көргеш, түӊнелди үндүрер бис» - деп, Монополияга удур федералдыг албан эргелелиниӊ удуртукчузу Феликс Хаджиев тайылбырлаан.

Сентябрь 12-де Каа-Хемниӊ, Чадаананыӊ уургайларындан хөмүр садып алыр дээш чеде берген улустар чарлал көргеш, Тываныӊ Одаар чүүл болгаш энергетика яамызынче дыӊнаткан. Яамының төлээлери бүдүрүлгелерге дораан барып четкен.

«Каа-Хемниң болгаш Чадаананыӊ уургайларында хуу кижилерге хөмүр бербейн турарыныӊ дугайында медээ келген. Ооӊ соонда республиканыӊ одаар чүүл болгаш энгергетика сайыдыныӊ хүлээлгезин күүседип турар Владимир Фунтиков Тываныӊ Даг-руда компаниязыныӊ директору Валерий Куликов-биле ужурашкан. Айтырыгны дораан таарыштыр шиитпирлээн. Сентябрь 12-де дүъш соонда, ындыг кызыгаарлаашкынны ап каапкан. Чон ооӊ мурнунда ышкаш уургайлардан хөмүр-дашты анаа садып ап болур» - деп, ТР-ниӊ одаар чүүл болгаш энергетика сайыдыныӊ бирги оралакчызы Эдуард Куулар тайылбырлаан.

Чурттакчы чон хөмүр-дашты складтардан-даа, уургайлардан-даа садып ап болур. Бир эвес кандыг-бир кызыгаарлаашкыннарлыг таварылгалар тургустунуп келир болза, 8 (39422) 5-11-56 деп телефонче дарый долгаарын Одаар чүүл болгаш энергетика яамызы дыӊнаткан. Кожууннарда одаар чүүл складтарынга хөмүр-дашты удаа-дараа чедирип турар. Бо ажылды Одаар чүүл болгаш энергетика яамызы биле Чуртталга-коммунал ажыл-агыйыныӊ яамызы кады демнежип кылып турар. Бир неделя дургузунда чогуур курлавырны чедирер.

Тываның Чазааның парлалга албанының медээлери-биле.