Эрткен неделяда, январь 21–25 хүннеринде, Хакасияга Ада-чурттуң Улуг дайынынга Тиилелгениң 80 чыл оюнга тураскааткан “Шира хөл” деп улустар аразының хөккей маргылдаазы болган. Ол маргылдааның организакчылары ТР-ниң Чазааның Тимур Дулуш аттыг Үрер хөгжүм оркестрин чалаан. “Дош кырында хөгжүм” деп төлевилели-биле маргылдааның байырлыг ажыдыышкынынга киржип бээри-биле чалаан.
Болган маргылдаага Хакасия, Тыва, Бурятия, Иркутск болгаш Томск областары, Алтай, Забайкалье, Красноярск крайлар база Белорусь Республикадан командалар киришкен. Хоккейжилер аразында эң-не билдингир “сылдыстар” киржип турар команда база бар болган. Ол дээрге “Дүнеки хоккей лигазындан” спортчулар: Андрей Николишин, Дмитрий Сычев, Денис Казанский.
Бо дээрге Тываның Чазааның Үрер хөгжүм оркестриниң шак мындыг спортчу хемчеглериниң байырлыг ажыдыышкыннарынга чаңгыс удаа эвес киржилгези-дир. Баштайгы “Дош кырында хөгжүм” төлевилели-биле оркестр 2019 чылда Красноярскыга болган XXIX Бүгү-делегейниң кышкы Универсиадаже чаладып киришкен.
/ Бистиң корр.
Чуруктарны итернет четкизинден алган.
“Шын” №3 2024 чылдың январь 30
