Ол болза 10, 11 класстарга «Россияның төөгүзү» болгаш «Бүгү делегейниң төөгүзү» деп өөредилге номнары-дыр. Школачылар сентябрь 1-ден чаа номнар-биле өөренип эгелээр.
Россияның төөгүзүнүң дугайында чаа өөредилге номнарында 1970, 1980, 1990 база 2000 чылдар деп эгелерни бүрүнү-биле эде кылган, ол ышкаш амгы үениң төөгүзүнүң кол болуушкуннарының дугайында эгелер немээн. Ында Крым биле Севастопольдуң Россияга каттышканының, Тускай шериг операциязының болуушкуннарының, ол ышкаш Россия Федерациязының составынга кирген чаа регионнар дугайында киирген.
Чаа өөредилге номнарында чаартылгалар база бар: чогаалдарга, уран чечен фильмнерге база аңгы-аңгы чурагайлыг курлавырларга немелде медээлер ап болур QR-кодтарны киирген.
Бистиң корр.