Угааныңар сайзырадып сонуурганчыг тывызыктарны ажы-төлүңер, эш-өөрүңер-биле тып көрүңерем:
Кижи 13 эжеш ээгилиг болза, кым 300 ажыг ээгилигил? (Чылан)
Орус ашактар каяа чай, кыш дивейн бөрттер, хол-хаптар кедерил? (Баняга)
Эң-не узун оът? (Бамбук)
Носорог эң-не улуг мыйыстыг амытан (узуну 158 см чеде бээр). А эң-не чымчак мыйыс кымдал? (Улиткада)
Итали тук кызыл-ак-ногаан өңнерлиг. Итальяннар тугунуң өңнерин кандыг кат-чимиске дөмейлеп шилип алганыл? (Чара кескен арбузка)
Ницца хоорайга бир-ле катап эң-не шыдамык таакпыжылар аразынга мөөрей эрткен. 60 сигаретаны тыртыпкан тиилекчи шаңналын албайн барган. Чүге? (Өлген)
1825 чылда Филадельфияның кудумчуларын кандыг азырал амытан аштап-арыглап турганыл? (Хаван)
17 векте Марко Арони чүү деп чемни чогаатканыл? (Макарон)
Испанияда оларны португалдар дээр, Пруссияда русактар дээр. А Россияда чүү деп адаарыл? (Тараканнар)
Ужудуушкун үезинде космонавт бүрүзү чүүзүн чидирерил? (Килин)
Эң-не улуг чимистиг үнүш? (Тыква)
Делегейде дыка хөй кижиниң төрээн дылы деп санаттынып турар дыл? (Кыдат дыл)
90 хуузун өрттеткеш, 10 хуузун октаптар көдээ ажыл-агый культуразын адап көрүңерем? (Табак)
Гректер мага-бодунга сандал ыяштан кылган чүнү ажыглап турганыл? (Сандалиялар)
Чараа-чеченде 4 г, ытта — 100 г, аътта — 500 г, чаанда — 4–5 кг, а кижиде — 1,4 кг. Чүү барыл? (Мээ)
Карактарын шиммейн удуур амытан? (Балык)
Эң-не улуг пашче чүү сыңмазыл? (Паштың халывы)
Далайда кандыг даш чогул? (Кургаг)
"Шын" №15 2025 чылдың апрель 24