Чуртталгада кандыг-даа шаптараазыннар болуп турза, кажан-бир шупту чүве өскерли бээр дээрзин сактып алыр болза эки. Бо ийи херээжен дыка хөй чылдар дургузунда боттарын өг-бүлезинге, бажыңынга турскаадып чорааш, хенертен делегейни өскертипкен миллионнар өртектиг идеяларны чогааткан.
Бетт Грэм болгаш суук балааш
Бетт өөнүң ээзинге болгаш оглунга дыка ынак, езулуг үлегерлиг ава турган. Хенертен ашаа Грэмге ынак эвес апарганын чугаалааш, чарлырын дыңнаткан. Каяа-даа ажылдап чорбаан Грэм бир албан черинге секретарьлап ажылдап эгелээн. Ол бажың ажылындан өске ажыл кылып билбес турган.
Грэм документилер парлааш, хөй частырыглар кылыр, оон ону эдип, балап, катап парлаар ужурга таваржып турган. Бир-ле катап ол хана будуп турар малярлар көргеш, бажынга бир бодал кире дүшкен. Ол даартазында ажылынга хана будуур будук биле бичии бийир эккелгеш, частырыглыг парлаан үжүктерин чажыра чаарга, саазыны өде бээр болган.
Бетт чартык чыл дургузунда шенелделерни эрткеш, езулуг шын формуланы үндүрүп алган. Ооң чогааткан чүүлү шуптуга билдингир — корректор ол. Каш чылдар эрткенде, Грэмниң формулазын 47 миллион долларга садып алган.
Джой Манганонуң кайгамчык шала-чууру
Бир-ле катап үш ажы-төлүн чааскаан азырап орар ава, шалага бусту берген бокал аштап тургаш, холун кезип алган. Джой ынчан холу-биле сы тутпас тряпкалыг шала-чуур турган болза деп боданган. Хөвең «хлопок» удазыннарлыг, тускай сы тудар кочалдыг швабра дугайында бодал ынчан төрүттүнген.
Каш чылдар иштинде Джой ол чогааткан чүүлүн садып шыдаваан. Оон ол телесадыг-биле керээ чарып алган. Эфир үезинде 20 минута дургузунда 18 швабра саттына берген. Удавайн, Джой чылда миллион долларны ажылдаптар апарган. Оон улаштыр ол амыдыралга эң-не ажыктыг эт-херекселдерни чогааткаш, патентилеп алган: гардеробка органайзерлер, тайып батпас хеп аскыыштары, номчуттунар карак шилдери, бажыңга онзагай чыттыг ароматизаторлар дээш оон-даа өске.
“Шын” №44 2024 чылдың июнь 15
