Тывада чүгле тускай шериг операциязының киржикчилерин, хоочуннарын эде өөредир сорулгалыг «Тываның маадырлары» регионалдыг программа ажылын эгелей берген.
ГероиТувы.рф сайтыдан «Тываның маадырлары» регионалдыг программаның дугайында тодаргай медээлерни билип ап болур.
“Тываның маадырлары” регионалдыг программа үш чадалыг:
Бирги чадазы — киржир күзелдиг улустуң бүрүткели 2025 чылдың март 3-тен эгелей берген. Документилерни 2025 чылдың апрель 9-ка чедир хүлээп алыр.
Ийиги чадазы – бүрүткеткен улус аразындан шилилге мөөрей (онлайн тестирование, (удуртукчу болурунуң шынарларын илередир) 2025 чылдың апрель 10-дан май 7-ге чедир уламчылаар. Ону эрткен улус Тываның күрүне университеди-биле эштежилгени чарган “Күрүне башкарылгазының Дээди школазы” институтка өөренир аргалыг болур.
Үшкү чадазында, дагдыныкчы-биле стажировка болгаш өөредилге эртер. Ол 2025 чылдың сентябрь 1-ден эгелээр.
Программаның кол сорулгазы – тускай шериг операциязының киржикчилерин, хоочуннарын эде өөредир, олардан бедик мергежилдиг кадрларны республиканың күрүне органнарынга болгаш муниципалдыг эрге-чагыргага ажылдаары-биле белеткээри.
Өөренип кирер улусту эртем-билииниң деңнелин, бодунуң шынарын, өөредилгеге сундулуун шыңгыы мөөрей таварыштыр шилиир.
«Тываның маадырлары» регионалдыг программа дугайында билдинмес айтырыгларны ГероиТувы.рф деп сайтыже киргеш, оон билип ап болур.
Бистиң корр.