Кышкы үеде угарлыг газ-биле хораннаны бээр таварылгаларның хөй кезии печка одаар бажыңнарга болгулаар. Каът бажыңнарга ховар болур.
Угарлыг газтан хораннанмас деп бодаар болза, дараазында 2 дүрүмнү сагыыры чугула:
Бирээде, оран-саваны үргүлчү агаарладыр.
Ийиде, газ-биле ажылдаар дериг-херекселдер үрелик турбас ужурлуг.
Угарлыг газ амдан-даа, чыт-даа, өң-даа чок болурун сактып алыры чугула.
Хораннаны бергениниң баштайгы демдектери:
Бажы аарыыр, дескинер, хөңнү булганыр, кустурар, караа чашталыр, сулараар, уйгузураар.
Ол демдектерниң аразындан чүгле баш дескинип, хөңнү булганып турар болза, ол кижини оран-савадан үндүрүп апаарга-ла чедер. Ынчалза-даа өске демдектер илерээр болза, үе-шаанда дуза кадары-биле хайгаараары чугула.
Байдал берге болза, эмчиге чыттыргаш, эмнээр. Дүрген эмчи дузазын дораан кыйгырар!