Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
02 июля, сб

Улам аян кирер

6 мая 2022
21

Кызыл хоорайның чаагайжыдылгазы

Улам аян кирер

Кызыл хоорайның мурнуу талазында Иркутская микрорайон найысылалдың дүрген туттунуп турар девискээри. Бо микрорайонну комплекстиг тударының төлевилели ёзугаар аңаа 5–7 каът хөй квартиралыг 13 бажыңны, элээн хөй 2-3 каът бажыңны тудар. Ол бажыңнарның хөй кезиин тудуп доозуп, бажың алыр оочуру четкен хамаатыларны, эргилээш, аңаа чурттаары ондактыг апарган бажыңнарның чурттакчыларын болгаш өскүс эрге-байдалдыг өг-бүлелерни чурттадып киирген.

Чуртталга бажыңнарындан аңгыда, Иркутск микрорайонга хүнде 200 кижини хүлээп алыр 1 эмнелгени, бирээзинге-ле 280 уруглар турар 2 садикти болгаш спорт залды тудары төлевилелде көрдүнген.

Иркутск микрорайонда туттунган бажыңнарның чоок-кавы девискээрин чаагайжыдар талазы-биле ажылдарны 2021 чылда эгелээн. 2022 чылда чаагайжыдылга ажылдары уламчылаан. Микрорайоннуң иштии талазында девискээриниң чаагайжыдылгазын “Капитал тудуг” кызыгаарлаан харыысалгалыг ниитилелдиң ажылчыннары чорудуп турар.

Иркутск микрорайонда чуртталга бажыңнарының даштыкы девискээриниң чаагайжыдылгазында “Капитал тудуг” кызыгаарлаан харыысалгалыг ниитилелдиң 6 кижиден тургустунган бригадазы шалыпкын ажылдап турар. Чадаг кижилер кылаштаар оруктарны асфальтылаарынга, бичии уруглар ойнаар болгаш дыштанылга шөлдерин ногаанчыдарынга белеткел ажылдарын олар чорудуп турарлар.

- Бажыңнар чоогунга ыяштарны болгаш өске-даа үнүштерни олуртуп, шөлдерге оъттарны ногаарартыр өстүргениниң соонда, бо девискээр улам аян кире бээри чугаажок – деп, бригадир Аян Түлүш чугаалаан.

“Капитал тудуг” КХН-ниң ажылчыннары чүгле найысылал Кызыл хоорайда эвес, кожууннарның суурларының кудумчуларын болгаш чаа туттунган бажыңнарның даштыкы девискээриниң чаагайжыдылгазынга база киржип келген. Чижээлээрге, Эрзин суурда бичии уруглар садының, Чөөн-Хемчик кожууннуң Хайыракан, Сүт-Хөл кожууннуң Суг-Аксы суурларда туткан чаа тудуг объектилериниң девис­кээриниң чаагайжыдылгазынга ажылдап турганнар.

Шаңгыр-оол МОҢГУШ.