Улусчу угаадыглар

Боодал чечек – тудум чечек. Херээжен чонга (ынак кызынга-даа) кандыг-бир байырлал уткуй сунар белээ азы ховар аалчылар уткуурда, өргүп сунар сүзүк белээ. Чөөн чүк чоннарынга, ылаңгыя Тывага турбаан, Европадан келген чаңчыл.

Боогдаар – шаптыктаар, хоруур. Өске бир кижиниң күзел-соруун базып, дооратан шаптык кадары.

Болчумча чок – бүзүрел чок, азы аас-сөзүнге бүзүреп болбаан, дээм чок кижини ынча дээр.

Бопук – чаш уруг идии. Ону колдуунда былгаардан, чымчак хөмден азы энчектен кылыр.

Дадаазын – тас алгыдан (өшкү азы элик кежи) дииндектей кезип каан, пөс аргаа дег, чиңге баглар. Ындыг багларны дагылгалыг черлерге азы шагаада чаламага баглаар.

Чап ЧҮЛДҮМ, «Улусчу педагогикага ажыглаар чамдык сөстерниң, ужурларның чижек тайылбыры» деп номдан.

"Шын" №60, 2023 чылдың август 12