Май 11-де Кызылдың А.Б. Чыргал-оол аттыг уран чүүл колледжизинге “Улустуң ырызы” деп регионнар аразынга мөөрей болуп эрткен.
Ийи хонуктуң дургузунда ыры-шоорлуг, оюн-тоглаалыг мөөрейге 80 ажыг киржикчи бүрүткедип, онза салым-чаяанын чыылган чонга база шииткекчилерге таныштырбышаан, адаанныг хемчегни сагыш-сеткилиниң онза хөөнү-биле магаданчыг кылдыр каастааннар.
Аңаа Тыва үндезин культура төвүнүң өөредилге килдизиниң башкызы, “Тыва” бөлүүнүң хөгжүмчүзү база хөөмейжизи Сыдым Кууларның өг-бүлези идепкейлии-биле киржип, I-ги чергениң лауреадының шаңналынга төлептиг болган. Чылдың болуп турар мөөрейниң өг-бүле кежигүннеринден тургустунган бөлүктер аразынга тергиинин илередир кезээнге Кууларларның өг-бүлези тускайланып, кижиниң аас-кежиктиг амыдырал-чуртталгазының үндезини өг-бүледе дээрзин үлегери-биле бадыткааннар.
«Шын» №36 2024 чылдың май 18
![](https://sun9-30.userapi.com/impg/y1bWimArR6T4QcL5kPkKhtH-crA2yz4vq-wIJA/upvu_RQu9ks.jpg?size=807x605&quality=95&sign=6d759b06180958d8da946f3c20d60be3&c_uniq_tag=PiNnQXg1l9M_dsXsOdExS2vpGKfA6HNjdR0TW4IYMG0&type=album)
![](https://sun9-40.userapi.com/impg/Xp5dBhbCewxOKAwKD5JAfvkTfHGDH06nDohYOw/nzkhKRvPZUw.jpg?size=605x807&quality=95&sign=3b8332d500ad5b76dd4fd3aa85e9b696&c_uniq_tag=L9QsZHBo9gtMZyITBOlLn-zRJaex0-Eu5M4VRCdabaI&type=album)