Ие-чашты деткииринден эгелээш, амыдырап-чурттаарының кудуку хемчээлинден эвээш эвес ажыл төлевирин доктаадырынга чедир Россияның Конституциязынга эдилгелер бистиң республикавыска кончуг чугула.
Чаш уруглар төрүттүнер талазы-биле Тыва бирги черде-ле болгай, бисте өг-бүлелерниң 30 ажыг хуузу хөй ажы-төлдүг. Бис оларга боттарывыстың талавыстан шыдаар шаавыс-биле дузалажып турар бис. Хөй ажы-төлдүг өг-бүлелерге, чижээ, «Аныяк өг-бүлеге – кыштаг» төлевилелди колдуунда база ынаар угландырган. Ооң ачызында, чаа эгелеп чоруур фермерлерге, ажыы-биле чугаалаар болза, белеткеп каан белен ажыл-агыйны берип турар бис. А оларның талазындан чүгле шудургу, немерелиг ажыл-иш херек. Ынчалза-даа кажан чурттуң Үндезин Хоойлузу деткимчени магадылап турда, көңгүс өске херек-тир.
Мооң мурнунда бис ол-бо социал хемчеглерниң чугула херектиин камгалап ап турган бис. Чижээлээрге, чоокта чаа чаш уруглар төрүттүнер талазы-биле ынчалдыр-ла бедик көргүзүглүг регион хиревисте, үш дугаар болгаш ооң-даа соонда төрүттүнген ажы-төлге дузаламчы акшаларны төлеп бээрин кызыдыр негеп турган бис. Бо хүннерде ону чедип алган бис: бо чылдан эгелеп, 2,5 муң өг-бүлелер ындыг акшаларны алыр.
РФ-тиң Чазаанга бадылаар Тываның социал-экономиктиг хөгжүлдезиниң бот-тускайлаң планы-биле кады Үндезин Хоойлуга киирер бөлүк социал өскерилгелер республиканың шагдагы-ла элээн хөй чидиг айтырыгларын үндезини-биле шиитпирлээринге күштүг баазаны тургузар. Чегей амыдыралды ажып эртери, чоннуң чаагай амыдыралын бедидери, транспорт инфраструктуразының хөгжүлдезин шиитпирлээри – бо бүгү айтырыглар бирги черде. #Конституция #поправки #Россия #Тыва
БҮГҮ-РОССИЯНЫҢ БАДЫЛААШКЫНЫ 2020 ЧЫЛДЫҢ АПРЕЛЬ 22-ДЕ
БИСТИҢ ЧУРТУВУС, БИСТИҢ ҮНДЕЗИН ХООЙЛУВУС, БИСТИҢ ШИИТПИРИВИС!
Россияның Төп соңгулда комиссиязы конституция2020.рф
ДЕТКИИР МЕН!
Тывада билдингир апарган чүрек-дамыр талазы-биле хирург эмчи, амгы үеде №1 республика эмнелгезинде рентген-хирургия аргалары-биле диагностика болгаш эмнээшкин төвүнүң эргелекчизи Росси Александрович Күжүгет:
– Россияның кайы-даа булуңунга – ырак көдээ суурлардан эгелээш, улуг хоорайларга чедир шынарлыг эмчи дузазын чедирер талазы-биле хамаатыларның эргелерин Конституция хандырар. Оон аңгыда, быжыг билиглиг, дээди эртемниг эмчилерниң акша-шалыңын өстүрер айтырыгларны база шиитпирлээр. Россия Федерациязы болгаш ооң иштинде, Тыва Республиканың эрге-чагырга органнарының, чоннуң кадыын быжыглаар сорулгалыг ажыл-чорудулгазын Россияның Конституциязы магадылап турар боорга, ону деткип, бадылаарын шиитпирлеп алган мен.
#Шын