Уттуп болбас

Г.Ч.Ширшинниң 90 харынга

Улуг өгбе тозан харлаан хүнүн уткуй,
Утпас деп чагыглыг номун номчааш,
Үе, төрениң бодамча чок тоймалалдыг
Үүлгедии дээш хараадалым кыптыга-дыр.

Коммунистиг үзел-бодал боттанганы
Хоор чонну когаралга чедирген деп
Хөйге-чонга чежемейниң суртаалдаарга,
Көзүлдүр-ле чедиишкиннер турбаан эвес.

Партиязы башкарыкчы ниитилелдиң
Балаттынмас төөгүзүнге мөңге артар –
Тыва намның салган соруун чону деткээш,
Туруп көрбээн ниитилелдиң таваан салчык.

Он сес чылдар дургузунда намны баштааш,
Ойталаш чок үүлеге бастырбадың.
Коммунист деп өндүр чолдуг нүүрүңнү
Когаралдың кавынынга алыспаан сен.

Өгээ-Мөрен, Чыргал-Хаан дээр ыдыктарлыг
Өскен-төрээн ынак чурттуң Чаңгыс-Пөштүң
Чеди чооду – Нарын уннай чурттуг чоннуң
Черге, Дээрге өргүлү бооп артып каар сен.

Алдын-кыс КОМБУ.