Тываның Баштыңы Владислав Ховалыг долу эвес мобилизацияның республикада шын чоруттунуп турарын онза кичээнгейде алган. 55 дугаар мотоадыгжы бригада баазазында мөөңнеттинген курлавырда шериг тыва оолдар-биле ол ужуражып четкен.
''Шупту мөөңнеттингеннерни 55 дугаар мотоадыгжы бригада баазазында чурттадып турар. Ук шериг кезээ харын-даа бисте бар, оон башка өске шериг кезектерже чорудар ужурга таваржыр турган. - деп, В. Ховалыг медеглээн. - Дайынчы байдалга төрээн чериниң девискээринге чаңчыгар, чоок, төрээн кижилери-биле ужуражырын чөпшээреп кааны эки-дир, чүгле харын бажыңнарынче азы херек аайы-биле үндүрбес. Шериг Устав езугаар амыдыралдың эгелээни бо.
Шын ''фильтрлээшкинни'' сагып турарын, мобилизацияга частырыглар турбаанын бодум хуумда ылавылап көөрү меңээ чугула болду. Ооң-биле кады бо чыылган оолдар-биле анаа чугаалажыры база. Оларның дайынчы хей-аъдының бедиин эскердим. Бистиң эр чонувус ажылында херектерин доозар, чоок улузу дээш сагыш човаары-биле түр шөлээже чүткүп турарлар. Оларның өг-бүлелерин кичээнгей чок арттырбазын аазадым. Коллегаларым-биле кады оларның дилеглерин, чагыгларын бижип алдывыс. Оларның саны хөй боорда, шупту чугула. Ыяш чарарындан эгелээш ипотеңага дыштанылгага чедир шупту чугула айтырыглар.
Бо чоокку хүннерде байгы аргалар-биле дуза кадарын, ук айтырыгларны шиитпирлээрин хүлээнип тур бис: нотариустуң ачы-дузазын организастадывыс, ХБАБ специалистерин чалап тур бис (ийе, бадыланчыры-биле), чүдүлге езулалдарын дээш өске-даа чүүлдерни боттандырар бис.
Чээлилер, ипотека-биле холбашкан айтырыглар хөй-дүр. Бригададан келген дораан Тываның девискээринде ажылдап турар банк адырларының удуртукчулары-биле ужураштым. Россияның Банкызының сүмелери оларда бар, чүгле тодаргай кылдыныгларны дарый ажылдап кылыры чугула. Олар үнүүшкүннүг ажылга, билдириишкиннер хүлээп алырынга беленин илереттилер.
Бо ажылдың ниити удуртулгазын вице-премьер Владимир Александрович Донскихке даастым''.
