Чазак Даргазы Владислав Ховалыг чурттуң найысылалынче сургакчылаашкын үезинде төп шериг эмнелгезинде эмненип турар тускай шериг операциязының киржикчилеринге ужуражып четкен:
— Бистиң эрес-дидим дайынчы оолдарывыстың өөрүп четтиргенин илереткен биче сеткилдиин эмчилер онзазы-биле демдеглеп турар. Шак мындыг үнелел дыңнаарындан аңгыда, оларның кадыкшылының экижип турарын карак-биле көөрү, шынап-ла, өөрүнчүг-дүр. Бөгүн бир оглувус экижип турарының дугайын чугаалады. Ооң мурнунда ол чүгле бижип шыдаар турган. Бистиң оолдарывыс улуг эмнелгениң янзы-бүрү салбырларында-даа болза, улуг эмчиниң оралакчызы, медицина эртемнериниң доктору Александр Игоревич Павлов кижи бүрүзүнүң аарыын, эмненгеш, үндүр бижиткенин доозазын эки билир болду. А. А. Вишневский аттыг төп шериг эмнелгезиниң арга-дуржулгалыг эмчилеринге болгаш сагыш човангыр ажылдакчыларынга бистиң оолдарывыска болгаш оларның чоок кижилеринге ачы-буянныг дузазы дээш барган санымда-ла сеткилим ханызындан өөрүп четтиргеним илередир-дир мен - деп, ол блогунда бижээн.
