Тываның Баштыңы Владислав Ховалыг дүүн, апрель 6-да, РФ-тиң Чазааның Даргазының көдээ ажыл-агый, экология болгаш шимчевес хөреңги саарылгазының талазы-биле оралакчызы, Сибирь федералдыг округтуң куратору Виктория Абрамченко-биле ужурашкан.
«Бөгүн Виктория Валериевна Абрамченко-биле январь айның төнчүзүнде ужурашкаш, көдүрген айтырыгларывысты канчаар шиитпирлээр дугайында чугааладым. Ол дээрге экология болгаш казымал байлактар талазы-биле төлевилелдер-дир. Ылаңгыя Таштыг чыдымын кедилиг шиңгээдип алыр талазы-биле Россияның үлетпүр болгаш садыг яамызы-биле кады ажылды чорудуп турар дугайында чугаалаштым.
Виктория Валериевна бистиң кураторувус болганда, Тываның социал-экономиктиг хөгжүлдезиниң угланыышкынын хыналдада тудуп турар. Ооң-биле чаа социал объектилер тудуун, энергетика адырында тарифтер политиказын, энергия хандырылгазының талазы-биле комплекстиг боттанылгазын, ол ышкаш тускай шериг операциязының киржикчилериниң өг-бүлелеринге деткимчени сайгарып чугаалаштывыс.
Чуртталга оран-саваның комплекстиг тудуунуң төлевилелдериниң, ооң иштинде инженерлиг инфраструктура тургузарынга акша-хөреңги киириштирер талазы-биле ажылдап турарымны чугааладым. Деткиир болду» — деп, Тываның Баштыңы Владислав Ховалыг медеглээн.
#Тываныңбаштыңы #Викторияабрамченко #Москва #Сургакчылаашкын #Шынсолун #Тывадыл
Виктория Абрамченко-биле ужурашкан
7 апреля 2023
44