Владислав Ховалыг бодунуң блогунда Владимир Путинден келген байыр чедириишкинин чурукка тырттыргаш салган. Чурттуң Президентизи ында Тываның чурттакчыларынга байыр чедириишкининиң чылыг сөстерин дамчытканын регионнуң баштыңы бижээн.
Күрүне баштыңындан келген чүглүг бижикте мынча деп бижээн:
"Хүндүлүг Владислав Товарищтайович!
Чаа чыл болгаш Рождество-биле Силерге байыр чедирип тур мен.
Бо кайгамчык байырлалдарны кезээде эң-не чылыг сагыш-сеткил-биле уткуп, эш-өөрге кадыкшылды, чедиишкиннерни, ажыл-ижинге болгаш эгелээшкиннеринге үре-түңнелдерни күзеп уткуп алыр бис.
Бодап чораан күзелдер албан боттанып, чоок болгаш ынак кижилериңер, шынчы эш-өөрүңер Силерниң-биле кезээде кады чорзун.
