Дилеп чоруур аас-кежиивисти чүгле угаанывысты арыглап тургаш, чедип алыр бис.
Кады чурттаар эжиңерниң алыс бүдүжүн билип алырын оралдажыңар. Бир эвес ол кижиде дузааргак, харыысалгалыг, кээргээчел сеткил бар болза, өг-бүлеңерниң келир үези бар-дыр.
Сагыл албаан чүдүкчүге эр-херээжен чоруунга хандыкшыл хора чедирбес. Ынчалза-даа, ынаар улуг кичээнгей халаптыг чүүлдерге чедирип болур.
Езулуг дайзын бистиң иштивисте чаштынып чыдар. Бир эвес дайзынывыс бистиң даштывыста, бир-ле черде чаштынып чыдар болза, бис оон дезип, чаштына берип болур бис. Иштики дайзынывысты тиилээри – бистиң кол болгаш эң-не берге сорулгавыс.
Езулуг аас-кежик сагыш-сеткил болгаш чүрек-биле тудушкан. Мага-боттуң таалал, хандыкшылынга үндезилеттинген аас-кежик турум болбас, бөгүн бар, даарта чок.
Кижилерге, амытаннарга дузалаптар аргаң бар болза, дузала. Шыдавас болзуңза, чадаарда хора чедирбе.
Буян башкы очулдурган.
"Шын" №15 2025 чылдың апрель 24