Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ынакшыл болгаш арбуз

2 февраля 2025
7

Өөредиглиг чугаа

Бир-ле катап авазының бажыңынга уруу ыглап келген.

— Чүү болду, чүге ыглап тур сен? — деп, авазы уруун стол баарынга олуртуп тура айтырган.

— Ынакшыл деп чүүлге бүзүревес апардым, авай. Бирде ынак-даа ышкаш мен. Ол чамдыкта дыка чиктиг чаңнай бээр. Оон алгыжып-кыржып эгелээр-дир бис — деп, уруу карааның чажын чотпушаан, харыылаан.

— Оожургап ал, кызым — деп, авазы хүлүмзүргеш, сывындан чаа чулуп эккелген арбузту уруунуң баарынга салган. Уруу арбузка ынаан сагыш човангыр ие билир болгай.

— Сээң ынак арбузуңну чиилем че, оон чугаалажыр бис — деп, авазы арбузту кеспишаан, чугааланган.

Кажан арбузту чигген соонда, оожургай берген уруундан ол айтырган-дыр:

— Арбузка ам-даа ынак болгай сен, ындыг ийик бе?

— Ийе, авай — деп, уруу харыылаан.

— Чаагай арбузту чиггеш, картын октааш, үрезиннерин дүкпүрүптер болгай сен?

Уруу авазынче элдепсинип көрген.

— Амыдыралда база шак-ла ындыг, кызым. Сен бажыңдан шупту артык чүүлдерни үндүр октап өөренир ужурлуг сен, ынакшылдың чалбыыжынга таалавышаан, ажыг үрезиннерни дүпкүрүп билир кылдыр. Ынчан силерге шупту чүве эки болур.

Суртаалдың утказы: Бистиң амыдыралывыста ышкаш, ынакшылда база дески чүүл чок. Аас-кежик болгаш ынакшылды чедип алырда, кады чурттаан эжиниң чамдык чүүлдерин караан шийипкеш, эрттирип өөренип алыр. А «арбуз» ирик болза, оон адырлып алганы дээре.

“Шын” №3 2024 чылдың январь 30