1925 чылдың август 31-де үнүп эгелээн

УНИВЕРСИАДА-2019

Март 12-де делегейниң хөй-хөй чоннарын каттыштырган улуг спортчу хемчег – Кышкы Универсиада-2019 доозулган. 
Россияда бир дугаар эртип турар Универсиада Красноярск хоорайга март 2-де эгелээнин сагындырып каалы. Тываның чону бо делегей чергелиг улуг спортчу хемчегни чоок хүлээп алган. Ындыг болбастың аргазы чок. Чүге дээрге, Азияның төвүнден эгезин алган ынак Эне-Сай хемивис Кышкы Универсиаданың ыдыктыг одун кыпсырынга эң-не кол киржикчи болганын бүгү телеканалдарга онзагайы-биле демлеглеп, журналистер дамчыдып турган-на болгай. Аңаа чоргаарланмас аргажок. Тывадан хөй кижилер Красноярск хоорайга чедип, уттундурбас чараш көргүзүглерни, спорттуң кышкы хевирлеринге делегейниң аңгы-аңгы булуңнарындан келген спортчуларның тиилелгелерин көөр аас-кежиктиг болганнар. Оларның аразында Тываның Баштыңы Шолбан Кара-оол социал четкилерде чүнү көргенин, кымга ужурашканын бижип турар. Чазак Баштыңының база бир кол ужуражылгазы ол улуг спортчу байырлалга чаладып келген Россияның Чазааның Даргазы Дмитрий Медведев-биле болган. Чай кадында ужуражып, Тываның социал-экономиктиг сайзыралынга хамаарышкан айтырыгның сайгарылгазын ам-даа уламчылаары-биле аңгы хуралдан чыып эрттирер дугайында дилээнге Дмитрий Анатоль­евич чопшээрешкенин өөрүшкү-биле Шолбан Кара-оол бижип турар. Ол ышкаш Россия биле Словакияның аразынга хөккейге түңнел оюннуң маргылдаазын Россияның премьер-министри Дмитрий Медведев болгаш Россияның Президенти­зи­ниң Сибирь Федералдыг округта бүрүн эргелиг төлээзи Сергей Меняйло-биле деңге көрүп, сагыжы аарып олурганы солун. Түңнелинде Россияның ко­ман­­дазы Уни­вер­сиаданың тии­лек­чизи ниитизи-биле 112 медаль, ооң иш­тинде 41 алдын, 39 мөңгүн, 32 хүлер медальдарны чаалап алганын  шупту билир бис. 
Россияның тии­лелгези бис­тиң шуп­тувустуң тиилелгевис!
Интернеттен.

Рубрика: 

Санал-онал немээри

CAPTCHA на основе изображений
Чурукта айыттынган демдектерни киириңер.