«Бир ай чартык үе дургузунда Россияның 17,2 сая ажыг чурттакчызы онлайн бадылаашкынга киржип четтигипкен. Эрткен чылга көөрде, 3 сая ажыг кижи хөй болган» – деп, РФ-тиң Президентизиниң вице-премьерлериниң оперативтиг хуралынга вице-премьер Марат Хуснуллин медеглээн.
Ук көргүзүгге үндезилээш алырга, сөөлгү дөрт чыл дургузунда чаагайжыдылга дээш, онлайн-бадылаашкынга чоннуң киржилгези кончуг идепкейжий берген. Ооң ачызында Россияның аңгы-аңгы булуңнарында 4,4 муң хире девискээрлерни чаагайжыткан.
«Чурттаарынга таарымчалыг хоорай хүрээлеңин хевирлээри» федералдыг, «Чурттаар оран-сава болгаш чурттаарынга таарымчалыг хоорай хүрээлеңи» национал төлевилелдерниң ачызында онлайн бадылаашкынны организастап турар. 2024 чылдың март 15-тен апрель 30-ге чедир российжилер 5,4 объект дээш бадылаан.
«Чурттаар оран-сава болгаш чурттаарынга таарымчалыг хоорай хүрээлеңи» национал төлевилелдиң деткимчези-биле Россияда ниитизи-биле 65 муң ажыг объектини чаагайжыткан.
Бистиң корр.
