Республиканың Баштыңы Владислав Ховалыг Дээди Хуралдың депутаттарынга Айыткалында чаа чуртталга микрорайоннарының тудуунуң дугайында дыңнаткан. Россияның Президентизи Владимир Путинниң деткимчези-биле эрткен чылдың күзүнүнде Тывада боттандырып эгелээн чиигелделиг ипотека чээлизиниң программазы-биле республиканың чурттакчылары чаа бажыңнарда квартираларны садып алыр аргалыг болган. Регионнуң социал-экономиктиг хөгжүлдезиниң бот-тускайлаң программазының акша-хөреңгизи-биле комплекстиг тудуг төлевилелдерин тургускан.
Амгы үеде туттунуп турар үш шөлчүгеш-биле чергелештир чуртталга тудуунуң ажылдары эгелээрин Владислав Ховалыг дыңнаткан.
«Тудугжуларга кол негелде – объектилерни дүрген болгаш шынарлыг тудуп, үре-түңнелди көргүзер» - деп, Тываның Баштыңы демдеглээн.
Кызыл хоорайда Московская микрорайону, Спутник микрорайонда 3-кү база 4-кү кварталдар, Каа-Хем суурда Преображенский районунда чуртталга тудуглары, Сукпак суурда Юбилейный комплекстиг чуртталга тудугларының чаа төлевилелдери бо чылын эгелээр.
Республиканың Баштыңы бодунуң Айыткалында 2024 чылга чедер кылдыр бадылаан регионнуң социал-экономиктиг хөгжүлде программазын 2030 чылга чедир узадырын демдеглээн. Тываның Чазаа ол саналды федералдыг төпче киирген, ол эгелээшкин деткимчени алырын Владислав Ховалыг дыңнаткан.
