Чаңгыс аай пособие дугайын да хоойлу күш кире берген үеден эгелээш, Тыва Республикада 16 муң ажыг бичии уругларга, 1300 ажыг сааттыг херээжен кижилерге төлевирни доктаадыры-биле 210 млн ажыг рубльди угландырган.
Россияның социал фондузу чаңгыс аай пособиени социал казначейство хевиринге томуйлап турар. Ол дээрге төлевирни алырда, ада-ие кижи чурум ёзугаар чүгле Күрүне ачы-дузазының порталын таварыштыр билдирииш кинни киирип каарга чедер. Арткан медээлерни ИХЯ, Үндүрүг албаны, ОБЯ, Роскурлавыр болгаш өске-даа органнар, информастыг системалар таварыштыр чагыдып алыр.
Чаңгыс аай пособие ооң мурнунда турган элээн каш социал деткимче хемчеглерин солупкан. Ол дээрге 1 болгаш 3 дугаар уругга 3 харга чедир, 3-ден 7 хар, 8-тен 17 хар чедир уруг ларга, сааттыг херээжен кижилерге ай санында ап турган төлевирлер болур.
Ооң алыкчылары чаңгыс аай посо биеже, баштай ап турган төлевирлери ниң хуусаазы төнгүжеге чедир албы шаан, чоорту шилчип турар. Ынчангаш кандыг-даа кижи, кандыг-даа үеде чаңгыс аай пособиеже шилчип болур.
Ук пособиени алыры-биле бил дириишкин киирерде, назы четпээн уруглар-даа, оларның ада-иези-даа Россияның хамаатылары болур бол гаш ында үргүлчү чурттап турар болур ужурлуг. Төлевирни томуйлаарда, өг-бүлениң орулгазын болгаш өнчү хөреңгизин, ада-иениң ажылдап тура рын, кандыг чылдагаан-биле ажылда вайн турарын шуптузун түңнеп көөр.
Консультацияны ТР-ниң Социал фонд адырының регионалдыг контакт төвүнден ап болур. Ажыл хүннеринде эртенгиниң 09.00 шактан 18.00 шакка чедир дараазында телефон дугаарын че долгаар: 8800-200-05-43.
/ Бистиң корр.
210 миллион ажыг рубльди угландырган.
6 марта 2023
34