Тыва Республиканың Ветеринария албанының специалистери 2026 чылдың эгезинден тура 26 107 баш малга тарылга ажылдарын чоруткан. Бирги кварталда агаар-бойдус берге турза-даа, профилактиктиг хемчеглерни график езугаар бүгү кожууннарга чоруткан дээрзин ведомство дыңнаткан.
Ветеринария ажылдакчылары көдээ ажыл-агыйларда, малчын аалдарга болгаш хуу дузалал ажыл-агыйларында малды айыылдыг инфекциялардан камгалаарын хандырган. Ящур, сибирь язвазы, калчаа аарыы, эмфизематозтуг карбункул, трихофития база эът чиир амытаннар чумазынга удур вакцинацияны чоруткан. Ол ышкаш туберкулезка аллергиктиг шинчилелдерни кылган.
Хөй кезиинде шээр мал- га — 10 муң ажыг өшкү-хойга чүгле ящурга удур тарылганы чоруткан. Азырал дириг амытаннарга база тарылга ажылдары идепкейлиг чоруп турар: 2,8 муң ажыг ыт болгаш диистер калчаа аарыындан камгалалды алган.
Үезинде кылган вакцинация – кижиниң кадыынга айыылды тургузуп болур база мал-маганны хөй кырлырынга чедирип болур аарыгларның өөскүүрүн болдурбас эң-не бүзүрелдиг арга-дыр деп ведомствода демдеглеп турар.
ТР-ниң Ветеринария талазы-биле албаны шупту дириг амытаннарның ээлерин мал-маганын үезинде тарыдып алырын кыйгырып турар.
Тыва Республиканың Ветеринария албанының медээзинден.