Чүге чигирзиг чем чиксей бээр бис?
Чалгаарай бээривиске азы мээвис шылап-могаанда, чигирзиг чем чиксей бээр бис. Ол дээрге мөзү-бүдүштүң кошкак чоруу эвес, а мага-боттуң туруптары-дыр. Ындыг таварылгада бодун чектээри эвес, чигирзиг чемден аңгыда, мага-боттуң чүү хереглеп турарын, чүү четпейн турарын бодундан көгүдүп айтырары чугула. Амыр-дыш, деткимче хереглей бергениңер чадавас.
Бодуңну камна!
Өске бүгү чүвени чидирип болур силер, ынчалза-даа эртем-билиг болгаш арга-дуржулга силер-биле кезээ мөңгеде артар. Экономиктиг кризистер эрте бээр, технологиялар эргижирээр, компаниялар хагдынар, а өөредилгеже, курстарже, номнарже, тренингилерже үндүрген чарыгдалыңар силерниң келир үеңерде төнчү чок орулганы эккээр.
Чаңгыс номчаан номуңар безин, угаан-медерелиңерни чаартып, кижи болуп хевирлеттинеринге болгаш ажыл-ишке депшилгеге улуг рольду ойнаар. Бай-шыдалдыг болуру сагыш-сеткил байлаандан эгелээр. Бодуңарның сайзыралыңардан кажан-даа акша харамнанмаңар. Ай санында бот-өөредилге орулгаңарның каш хуузун аңгылап чыып алыңар.
Чарыгдалды демдеглээри чугула
Дыка хөй улус ажылдап алган акшазының кайнаар чарыттына бергенин билбес. Сактырга, бичии чарыгдалдарже хөй акша үнмээн ышкаш болур, ынчалза-даа үүрмек чарыгдалдар өг-бүле бюджедин «чиптип» болур. Ынчангаш чарыгдалыңарны бирден-бирээ чокка демдеглеп эгелей бериңер. Чижээлээрге, кафеге ижипкен кофе, кудумчу транспортунуң билет өртээ, аъш-чем, идик-хеп дээш шуптузун демдеглээри чугула. Каш неделя эрткенде, кайнаар эң-не хөй акша чарыгдаттынып турарын бодуңар көрүп кааптар силер. Чарыгдалдарны санаары – акша-төгерик талазы-биле бижик-билиглиг болурунуң эге чадазы-дыр.
“Шын” №35 2005 чылдың сентябрь 11
