Шагаан-Арыг хоорайныӊ Алдар шөлүн маадырлыг эрес-дидим тыва эки турачыларга болгаш ниити Ада-чурттуӊ камгалакчы шериглеринге, дайынчыларынга тураскааткан.
Улуг-Хем кожууннуӊ ийи дакпыр юбилейлиг байырлалыныӊ үезинде Алдар шөлүнге митинг болуп турган. Митингини тускай шериг операциязынга мөчээн дайынчыларга тураскаадып эрттирген.
«Ада-чурт камгалакчылары» фондунуӊ регионалдыг салбырыныӊ удуртукчузунуӊ хөй-ниити төлевилелдериниӊ талазы-биле оралакчызы Азият Догдураш, Улуг-Хем кожууннуӊ, Шагаан-Арыг хоорайныӊ чазак-чагырга чериниӊ төлээлери, «Тускай шериг кезектериниӊ хоочуннары» хөй-ниити организациязыныӊ кежигүннери митингиге киржип турган.
Сактыышкын ёзулалыныӊ чаӊчылы-биле боодал чечектерни салып, кажыыдал минутазында маадырларныӊ чырык адын сактып мөгейген.
Улуг-Хем кожууннуң медээзинден Р. Демчик белеткээн.