Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Акшаландырыышкын айтырыын чугаалашкан

22 июня 2024
11

Тываның Баштыңы Владислав Ховалыг Москвага ажыл-албан аайы-биле чорааш, Россияның тудуг болгаш ЧКА сайыды Ирек Файзуллин-биле ужурашкан. Чугааның кол темаларының бирээзи — Шагаан-Арыгның котельнаязынга мартта болган онза байдал уржуун чок кылыры-биле холбашкан хемчеглерни акшаландырарының аргаларын тывары болган.

Республиканың удуртукчузу социал четкилерде бодунуң блогунга Улуг-Хем кожууннуң төвүнде ажыл-херектерниң дугайында дыңнаткан. Специалистер чылыдылга-одалга төвүнүң чаа оран-савазының дөзевилелин кылып турарын ол сагындырган. Септеп-селээн эрги котельнаядан чылыгны төпчүткен одалгалыг бажыңнарже келир кышта бээр.

«Эрги ЧЭТ-ти таптыг септеп алыры чугула – деп, Тываның Баштыңы демдеглээн. – Объектиниң ханаларын быжыглаан, кыдыгларын дуглаан. Ийи котелда капитал септелге чоруп турар». Владислав Ховалыг оон аңгыда Шагаан-Арыгда курлавырда сес көжүп чоруур котельнаялар барын чугаалаан.

Тываның чылыг-энергетика комплекизиниң база чуртталга-коммунал ажыл-агыйының объектилеринде келир одалга сезонунга белеткел ажылдары шалыпкын эгелээн. Республиканың Чазааның бадылааны ЧЭК, ЧКА база социал адырны 2024/25 чылдың күскү-кышкы үезинге белеткээриниң планы езугаар ажылдар чоруп турар. Чырык, одалга, суг-биле хандырар база суг арыглаар объектилерге капитал болгаш агар септелгелерни, котельнаялар агрегаттарынга, дериг-херекселдеринге база четки ажыл-агыйынга шенелделерни, объектилерге озал-ондактарга удур белеткелдерни чорудары – планда.

Тываның Баштыңы улуг объектилерниң кышка белеткели чугула дээрзин демдеглеп, башкарыкчы компаниялар биле ТСЖ-лер септелге ажылдарын канчаар кылып турарын ол хүн бүрүде хыналдада алганын демдеглээн. «Хөй квартираларлыг бажыңнарның инженер коммуникацияларын үезинде шынарлыг кылып доозар херек» — деп чугаалаан.

Бо чылын 450 сая ажыг рубльди септелге болгаш белеткел ажылдарынче тускайлаан. Ооң 150 саязы – республика бюджединден, а арткан түңнү муниципалитеттер, курлавыр-хандырылга организациялары, башкарыкчы компаниялар база ТСЖ-лер боттарының казназындан үндүрер.

ТР-ниң Чазааның медээзинден.

«Шын» №46 2024 чылдың июнь 22